Fazliddin G‘oibnazarov ertaga Uilbert Lopesga qarshi jang o‘tkazadi
Rio Olimpiadasi chempioni, bugungi kunda professional boksda faoliyat olib borayotgan bokschimiz Fazliddin G‘oibnazarov ertaga tongda AQShda o‘zining navbatdagi jangini o‘tkazadi. Bu haqda Milliy olimpiya qo‘mitasi matbuot xizmati xabar bermoqda.
Ushbu jangda hamyurtimizga mezbon bokschi Uilbert Lopes raqiblik qiladi. Bugun Fazliddin muhim jang oldidan tarozidan o‘tdi.
Ma’lumot uchun, Fazliddin shu kungacha professional ringda 5 ta jang o‘tkazib, ularning barchasini o‘z foydasiga hal qilgan. Janglarning 2 tasida nokaut evaziga raqiblarini mag‘lub etgan.
Lopesning tajribasi esa bu borada biroz ko‘proq. U professional ringda 34 ta jang o‘tkazib, ularning 23 tasida g‘alaba qozongan. 15 tasida raqiblarini nokautga uchratgan. 9 ta to‘qnashuvda esa mag‘lubiyatga uchragan. 1 ta jangda muddatidan oldin yutqazib qo‘ygan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter