Yevro-2022. 1/4 final: qozoqlar ukrainlarga qarshi, gruzinlar ruslar bilan kuch sinashadi
Niderlandiya mezbonlik qilayotgan Yevropa mini-futbolu (futzal) bo‘yicha chempionatida (Yevro-2022) guruh o‘yinlari nihoyasiga yetdi.
1/4 finalga eng oxirgi bo‘lib Ispaniya va Gruziya terma jamoalari chiqdi.
«S» guruhida Polsha ustidan 5:1 hisobida g‘alaba qozongan Rossiya birinchi o‘rinni egalladi. Slovakiyalik futzalchilar so‘nggi o‘yinda xorvatlarni 5:3 hisobida mag‘lub etib, ikkinchi yo‘llanmani qo‘lga kiritishdi.
«D» guruhi sensatsiyalarsiz o‘tdi: qit’a sobiq chempionlari — ispanlar so‘nggi turda gruzinlarni taslim etib (8:0), kutilganidek guruh peshqadamiga aylanishdi. Gruzinlar avvalgi o‘yinlardagi yaxshi natijalari evaziga ikkinchi bo‘lishdi. Hech narsani hal qilmaydigan Ozarbayjon – Bosniya va Gersegovina o‘yinida qardoshlarimiz g‘alaba qozonishdi — 4:2.
1/4 final juftliklari
- Portugaliya – Finlyandiya
- Qozog‘iston – Ukraina
- Rossiya – Gruziya
- Ispaniya – Sloveniya
O‘yinlar 31-yanvar va 1-fevral kunlari bo‘lib o‘tadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter