Bugun, 24-oktyabr kuni Barselonadagi «Kamp Nou» stadionida Ispaniya chempionatining 10-tur doirasida «Barselona» «Real Madrid»ni qabul qildi. Mehmonlar g‘alaba qozonishdi — 2:1.

Hisob birinchi bo‘limda ochildi. Uchrashuvning 32-daqiqasida «Real» himoyachisi David Alaba gol urdi, unga hujumchi Rodrigo yordam berdi.

Ikkinchi bo‘limga qo‘shib berilgan daqiqalarda yarim himoyachi Lukas Vaskes gol urib, g‘alabani mustahkamladi. Oradan 3 daqiqa o‘tar-o‘tmas, «Barselona» hujumchisi Serxio Agueroning zarbasi samarali tugadi.

Uchrashuvga Xose Sanches Martines boshchiligidagi hakamlar guruhi xizmat ko‘rsatdi. Unga assistentlardan Raul Kabanero Martines va Xose Galexo Garsiya yordam berishdi. Zaxira hakami – Xose Martines Montalban.

Madridning «Real» klubi ayni damda Ispaniya chempionati turnir jadvalida 9 o‘yinda 20 ochko to‘plagan holda 1-o‘rinda bormoqda. «Barselona» 8-o‘rinda bormoqda. Kataloniyaliklar chempionatning 9 o‘yinida 15 ochko to‘plashga muvaffaq bo‘lishdi.

La Liga. 10-tur

Barselona — Real 1:2

24-oktyabr, «Kamp Nou»

Gollar: Aguero (90+7) — Alaba (32), Vaskes (90+3).

Barselona — ter Stegen, Mingesa (Koutino, 46), Pike, Garsiya, Alba, Dest, Buskets, Frenki de Yong (Roberto, 77), Gavi (Lyuk de Yong, 85), Depay, Fati (Aguero, 74).

Real — Kurtua, Vaskes, Militao, Alaba, Mendi, Kazemiro, Kroos, Modrich, Rodrigo (Valverde 72, Karvaxal 90+2), Vinisius (Asensio, 87), Benzema.

Ogohlantirishlar: Pike (58), Mendi (80).