Bokschi chempion bo‘lganidan bir hafta o‘tib vafot etdi
Puerto-Rikolik bokschi Pol Bamba 36 yoshida vafot etdi. Bu haqda uning oilasi hamda menejeri ma’lum qildi.
Sportchining o‘limi sababi aytilmagan.
2024-yilda Bamba 14 ta jang o‘tkazgan. So‘nggi jangida 21-dekabr kuni meksikalik Roxelio Medina Lunaga qarshi ringga ko‘tarilib, WBA talqini bo‘yicha birinchi og‘ir vazn toifasida chempionlikni qo‘lga kiritgandi.
Pol Bamba professional boksdagi faoliyatida jami 22 jang o‘tkazib, 19 tasida g‘alaba qozongan, uchtasida mag‘lubiyatga uchragan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter