Boks bo‘yicha sobiq jahon chempioni olamdan o‘tdi
Boks bo‘yicha o‘rta vazn toifasida sobiq jahon chempioni Marvin Xagler 66 yoshida AQShda hayotdan ko‘z yumdi. Bu haqda sportchining Facebook fan-klubi sahifasida rafiqasining bayonotiga asoslanib TMZ nashri xabar bermoqda.
Bokschi shanba kuni Nyu-Gempshirda vafot etdi. O‘g‘lining aytishicha, Xagler avvalroq ko‘krak qafasi og‘rig‘i va nafas qisilishi shikoyatlari bilan shifoxonaga olib borilgan. O‘limining aniq sababi hali aniqlanmagan. Xaglerning rafiqasi uning «kutilmaganda vafot etganini» ma’lum qilgan.
1980-1987-yillarda Marvin Xagler o‘rta vaznda mutlaq jahon chempioni unvoniga sazovor bo‘lgan. 1993-yilda sportchi Xalqaro boks shon-sharaf zaliga kiritildi. Xagler Italiyaning bir nechta filmlarida ham suratga tushgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter