«Barselona» o‘z muxlislarini xursand qildi
Kataloniyaning «Barselona» klubi bugun yana bir futbolchi bilan shartnoma imzolaganini e’lon qildi.
Kuni kecha braziliyalik Rafinya xarid qilinayotgani ma’lum bo‘lgan bo‘lsa, bugun erkin agentga aylangan Usmon Dembele bilan shartnoma uzaytirgani e’lon qilindi.
Klubni tekinga tark etish huquqiga ega bo‘lgan fransiyalik hujumchi klub rahbariyati taklif qilgan shartlarga ko‘ndi va yangi kelishuvga erishdi. E’tiborlisi, u oldingi shartnomasiga qaraganda ancha kam maosh oladi.
Dembelening Barselonada qolishiga Xavining xizmati katta bo‘lgani aytilmoqda.
Dembele o‘tgan mavsumda «Barsa» tarkibida La Liga doirasidagi 21 uchrashuvida maydonga tushib, o‘z hisobiga 1 gol va 13 golli uzatmani yozdirib qo‘ygan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter