«Barselona» o‘z afsonasi bilan xayrlashmoqda
«Barselona» klubi Serxio Busketsning mavsum yakunida jamoani tark etishini ma’lum qildi.
«Bu qarorni qabul qilish men uchun oson emas, ammo fursati yetdi. Bu yerda men bilan birga bo‘lgan barchaga, shuningdek muxlislarga ham minnatdorchilik bildiraman», — dedi 34 yoshli yarim himoyachi.
Buskets «Barselona» tarkibida 2008 yildan buyon jami 718 o‘yinda maydonga tushib, 18ta gol va 40ta assist amalga oshirgan. Tayanch yarim himoyasida yangi uslubni taqdim etgan futbolchi «Barsa» safida 8 karra Ispaniya chempioni, 7 marta mamlakat kubogi va Superkubogi g‘olibi, 3 marotabadan YeChL va UYeFA Superkubogi va klublar o‘rtasidagi JCh g‘olibiga aylangan.
Buskets erkin agent sifatida Saudiya Arabistonining «Al-Hilol» yoki AQShning «Inter Mayami» klubiga o‘tishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter