«Manchester Siti» Abduqodir Husanov transferini e’lon qildi
«Manchester Siti» o‘zbekistonlik himoyachi bilan 2029 yilgacha shartnoma tuzdi. U 45-raqamda to‘p suradi.
Manchester klubi 20 yoshli futbolchi uchun «Lans»ga 40 mln yevro to‘laydi. Bu qiymat bonuslar hisobiga yana ortishi mumkin.
Shu tariqa Husanov Angliya Premer-ligasida o‘ynaydigan birinchi o‘zbek futbolchisiga aylandi. Shuningdek, Abduqodir o‘zbek o‘yinchilari orasida eng qimmat transfer bo‘ldi. Avvalgi rekordchi 2021 yil «Jenoa»dan «Roma»ga 18 mln yevroga o‘tgan Eldor Shomurodov edi.
Shuningdek, himoyachi «Lans» tarixida ham eng qimmat transferga aylandi. Fransiya klubi Husanovni 2023 yil iyul oyida «Energetik-BGU»dan atiga 100 ming yevroga sotib olgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter