Ortiqxo‘jayevning deputatlik vakolati muddatidan oldin tugatildi
Toshkent shahar sobiq hokimi Jahongir Ortiqxo‘jayevning shahar kengashi deputatligi vakolati muddatidan oldin to‘xtatildi. Tegishli qaror 27-yanvar kuni shahar kengashi tomonidan qabul qilingan.
Bu jumladan, yig‘ilishda qatnashgan deputatlardan biri Gazeta.uz nashriga ma’lum qilgan. Sobiq hokimning o‘zi deputatlik vakolatlarini topshirish to‘g‘risida ariza bilan murojaat qilgan.
Jahongir Ortiqxo‘jayev 2020-yil yanvar oyida 48-saylov okrugidan O‘zLiDeP partiyasidan dastlab Kengash deputati, so‘ngra besh yillik muddatga senator etib saylangandi.
Eslatib o‘tamiz, anomal sovuq oqibatida poytaxtda yuzaga kelgan muammolar ortidan prezident Shavkat Mirziyoyev Ortiqxo‘jayevni ishdan olgandi. Keyinroq u Istanbulga uchish oldidan aeroportda to‘xtatib qolingani aytildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter