O‘zbekistonning birinchi xonimi Ziroatxon Mirziyoyeva qizi Shahnoza Mirziyoyeva bilan Xiva shahriga tashrifi buyurishi, ayniqsa, mahalliy aholining katta qiziqishiga sabab bo‘ldi. Chunki  mamlakat rahbari rafiqasi va qizining oddiy xalq orasida ortiqcha dabdabasiz aylanib yurishi uncha-muncha tasavvurlarga sig‘mas holat edi-da.

Birinchi xonimi qizi hamrohligida Xivadagi Ichan qal’a muzey qo‘riqxonasida bo‘lib, tarixiy yodgorlik bilan tanishdi. Shundan so‘ng Xivadagi bozor rastalarini ko‘zdan kechirdi.

Qadimiy Ichanqal’a obidalarini tomosha qilar ekan, Prezident rafiqasi va qizi bu yerda faoliyat olib borayotgan hunarmand ustalarning ishlari bilan ham tanishgan.

—  O‘zbekistonning nufuzli xonimlarining  kamtar va samimiyligi hayratlantirdi, — deydi Xiva shahar Gilamchi mahallasida yashovchi fuqaro M.Hurmatov. – Ular oddiy to‘quvchi, misgar va yog‘och o‘ymakor ustalari ishlari bilan yaqindan tanishib, samimiy gurunglashdilar. Shu sababdan ham xivaliklar ularni «Yilning eng e’tiborli mehmonlari» sifatida yodda qolishini aytishmoqda.

Erpo‘lat BAXT