«Yuventus» A Seriyadagi 36-chempionligiga 36-turda erishdi. «Sampdoriya»ni o‘z maydonida 2:0 hisobida mag‘lub etgan turinliklar qatorasiga to‘qqizinchi marta Italiya chempioni bo‘lishdi.

Gollarni Ronaldu (45+7) va Bernardeski (67) kiritdi.

Turnir tugashiga ikki tur qolganida «Yuventus» ta’qibchilaridan yetti ochkoga ilgarilab ketdi.

Bu mavsumdagi g‘alaba «Yuventus»ga 36-skudettoni hadya etdi, ikki grand — «Milan» va «Inter» 18 martadan Italiya chempioni bo‘lgan.

«Yuve» A Seriyada qatorasiga chempion bo‘lish borasida ham o‘z rekordini yangiladi — Apennin yarimorolidagi hech bir jamoa ketma-ket 9 marta turnir jadvali yetakchisi sifatida turnirni yakunlamagan.

Shuningdek, bu «byankoneri»larning Mauritsio Sarri bilan birgalikda qo‘lga kiritgan ilk sovrini.

• A Seriyaning qolgan turlarida «Yuventus» klubi «Kalyari» (29-iyul) mehmoni bo‘ladi hamda «Roma»ni (3-avgust) Turinda qabul qiladi.
• 7-avgustda esa «Yuventus» Yevropa Chempionlar ligasining 1/8 finalida «Lion»ga qarshi o‘ynaydi. Birinchi o‘yinda turinliklar 0:1 hisobida yutqazishgan, raqib darvozasiga bittayam to‘g‘ri zarba bera olishmagandi.