«Yoqtirgan qizi»dan pul ishlamoqchi bo‘lgan yigit ushlandi
6-may kuni soat 18:30 da Navoiy viloyati IIB va DXX xodimlari tomonidan Navbahor tumanida yashovchi 22 yoshli S.O‘. ning arizasi asosida tezkor tadbir o‘tkazildi. Bu haqda IIV huzuridagi Tergov departamenti axborot xizmati xabar bermoqda.
Tadbir davomida 27 yoshli F.X. 2018-yildan buyon S.O‘. bilan yaqin munosabatda bo‘lib, S.O‘. fosh etilishini xohlamagan ma’lumotlarni ijtimoiy tarmoqlarga tarqatib yuborishini ma’lum qilib, undan 3 000 000 so‘m pullarni talab qilib, ularni olgan vaqtida ushlangan. Tadbir davomida F.X. dan 3 000 000 so‘m ashyoviy dalil sifatida rasmiylashtirilib olingan.
Holat yuzasidan Navbahor tumani IIB huzuridagi Tergov bo‘limi tomonidan Jinoyat kodeksining 165-moddasi 1-qismi (tovlamachilik) bilan jinoyat ishi qo‘zg‘atilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter