Yilning eng yaxshi aviakompaniyalari aniqlandi
Eng yaxshi aviakompaniyalar reytingi «Airline Ratings» sayohatlar onlayn servisi tomonidan e’lon qilindi.
Ekspertlar reytingni tuzishda aviaparvozlarning xavfsizligi va yo‘lovchilarning parvozdan olgan taassurotlariga asoslanishdi.
Reyting yetakchisi — «Singapore Airlines» (Singapur). Kompaniya ushbu reytingning bir necha yo‘nalishlarida tengsiz deb topildi. «Airline Ratings» bosh muharriri Jeffri Tomas «Singapore Airlines» tinmay yangiliklar ustida ishlashiga e’tibor qaratdi. U kompaniya 2018-yili yo‘lga qo‘ygan qo‘nmasdan eng olisga parvoz amalga oshiriladigan Singapur — Nyu-York yo‘nalishini bunga misol sifatida keltirdi.
Yangi Zelandiyaning «Air New Zealand» kompaniyasi ikkinchi, «Qantas» (Avstraliya) esa uchinchi o‘rinda.
«Top-10»ga shuningdek, «Qatar Airways», «Virgin Australia», «Emirates», «All Nippon Airways», «EVA Air», «Cathay Pacific Airways» hamda «Japan Airlines» kiritildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter