Yangi kasallanish holatlari Samarqand va Toshkent viloyatida aniqlandi
2020-yil 24-may soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 3164 (+14) nafarni tashkil etmoqda. Bu haqda Sog‘liqni saqlash vazirligi Jamoatchilik bilan aloqalar bo‘limi xabar berdi.
Yangi kasallanish holatlarining 8 nafari Samarqand viloyatida, 2 nafari Toshkent viloyatida, 4 nafari esa Karantin markazida (Qozon – Toshkent yo‘nalishidagi charter reys bilan kelgan va karantinga olingan) aniqlandi.
Ayni paytda yurtimizda 2565 (+33) nafar koronavirus infeksiyasiga chalingan fuqarolar butunlay sog‘aydi.
Avval xabar qilinganidek, sog‘ayganlarning 13 nafari Toshkent shahridan, 12 nafari Samarqand viloyatidan hamda yana 8 nafari Navoiy viloyatidan.
Hozirda mamlakatimizda davolanayotgan 586 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter