Kecha yurtimizda 966 nafar kishida koronavirus aniqlanib, 6 nafar bemor vafot etdi. Bu haqda SSV matbuot xizmati xabar berdi.

2021-yil 13-avgust holatiga ko‘ra, O‘zbekistonda koronavirus infeksiyasi qayd etilganlar soni 142124 (+966) nafarni tashkil etmoqda.

Yangi kasallanish holatlarining:

• 88 nafari Qoraqalpog‘iston Respublikasida,
• 37 nafari Andijon viloyatida,
• 25 nafari Buxoro viloyatida,
• 68 nafari Jizzax viloyatida,
• 22 nafari Qashqadaryo viloyatida,
• 21 nafari Navoiy viloyatida,
• 40 nafari Namangan viloyatida,
• 96 nafari Samarqand viloyatida,
• 27 nafari Sirdaryo viloyatida,
• 98 nafari Surxondaryo viloyatida,
• 91 nafari Farg‘ona viloyatida,
• 43 nafari Xorazm viloyatida,
• 101 nafari Toshkent viloyatida,
• 209 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.

Kasallikdan sog‘ayganlar jami 135228 (+921) nafarga yetdi va sog‘ayish ko‘rsatkichi 95 foizni tashkil etmoqda.

Shuningdek, 6 nafar koronavirusga chalingan bemor vafot etib, kasallikdan vafot etganlar soni 970 nafarni tashkil qildi.