«Uzmobile» markazga aylantirildi va rahbari o‘zgardi
«O‘zbektelekom» AKning «Uzmobile» filiali markazga aylantirildi, unga rahbar etib Abdug‘ani G‘oibnazarov tayinlandi. Bu haqda «Spot» xabar berdi.
«O‘zbektelekom» AKning yangi tashkiliy tuzilmasi tasdiqlanishi munosabati bilan «Uzmobile» endi kompaniyaning filiali emas, markazi hisoblanadi. Ushbu «Uzmobile» mobil tarmog‘ining ekspluatatsiya markazi direktori etib Abdug‘ani G‘oibnazarov tayinlangan.
G‘oibnazarov avval ham «Uzmobile»ni 2015-yilga qadar boshqargan, o‘sha yili uning o‘rniga Shuhrat Qodirov kelgan. 2017-yilda esa «Uzmobile» boshqaruviga Vladimir Kravchenko kelgan. U ayni paytda tizimda qolganmi yo‘qmi, xabar qilinmagan.
«Uzmobile» — «O‘zbektelekom» AK tarkibida «CDMA-450 EV-DO» va «GSM» standartlarida mobil aloqa xizmatlarini ko‘rsatib keladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter