Uchqo‘rg‘onda tirkamaga osilgan 9 yoshli bola halok bo‘ldi
13-oktyabr kuni soat 22:30 larda «Farg‘ona» MFY Parvoz ko‘chasida fermer xo‘jaligiga tegishli bo‘lgan «MTZ-80» traktori tirkama ulagan holda «Yangiyer-Uchqo‘rg‘on» yo‘lining 3-km.da harakatlanib borar edi.
Namangan viloyati IIB axborot xizmati xabariga ko‘ra, Uchqo‘rg‘on tumanida ota-onasi qaramog‘ida yashagan, tumandagi maktabning 3-sinfida o‘qigan, 9 yoshli bola traktor tirkamasining orqa tomonidan osilib, yerga yiqilib tushgan. Natijada, u bosh va jag‘ qismidan tan jarohati olib, shifoxonada vafot etgan.
Ushbu holat bo‘yicha Uchqo‘rg‘on tumani IIB huzuridagi Tergov bo‘linmasi tomonidan tergovga qadar tekshiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter