Turkiyada ikki nafar o‘zbekistonlik vafot etdi
Mamlakatimiz Bosh konsulxonasi bergan ma’lumotga ko‘ra 27-iyun kuni Istambul shahrida 1993-yil 22- mayda tug‘ilgan O‘zbekiston fuqarosi Akmal Ravshanovich Mamirjanov vafot etgan.
Tashqi ishlar vazirligi axboroti bo‘yicha, A.Mamirjanovning sog‘ligi u basseynga borgan paytda yomonlashgan va kasalxonaga yotqizilgan. Shuningdek, 2019-yilning 30-iyun kuni Istambul shahrida velosipeddan yiqilish natijasida boshidan jarohatlanishi oqibatida 1967-yil 5-fevralda tug‘ilgan O‘zbekiston fuqarosi Zulfiyaxon Davlatovna Sharafuddinova ham vafot etgan.
«Bosh konsulxona qayd etilgan holatlarni nazoratga olgan va vatandoshlarimizning jasadlarini dafn etish uchun vatanga jo‘natish borasida ularning qarindoshlariga tegishli konsullik-huquqiy yordam ko‘rsatdi» deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter