Hukumat qaroriga (655-son, 27.10.2020 y) muvofiq, 2021-yil 1-martga qadar transformatsiya qilish uchun 5 ta OTM ochiq tanlov asosida saralab olinadi.

2021/2022-o‘quv yilidan tajriba-sinov tariqasida transformatsiya qilinadigan oliy ta’lim muassasalarida:

• bakalavriat va magistratura uchun to‘lov-kontrakt asosidagi qabul parametrlari ularning o‘zlari tomonidan belgilanadi;
• bakalavriatga kirish imtihonlari mustaqil o‘tkaziladi;
• ta’lim jarayoniga hamkor sifatida biriktirilgan nufuzli xorijiy OTM professor-o‘qituvchilari jalb qilinadi.

Eslatib o‘tamiz, O‘zbekiston Respublikasi Prezidentining 2020-yil 2-martdagi «2017-2021-yillarda o‘zbekiston respublikasini rivojlantirishning beshta ustuvor yo‘nalishi bo‘yicha harakatlar strategiyasini «ilm, ma’rifat va raqamli iqtisodiyotni rivojlantirish yili»da amalga oshirishga oid davlat dasturi to‘g‘risida» PF-5953-son farmoniga muvofiq 2020-yilda kamida 5 ta oliy ta’lim muassasasini konkurs asosida tanlab, nufuzli xorijiy oliy ta’lim dargohlari bilan hamkorlikda ularni transformatsiya qilish choralari ko‘rilishi belgilangan edi.