Tramp qaysi xorijiy mamlakatlar yetakchilari bilan telefonlashgani ma’lum bo‘ldi
AQShning saylangan prezidenti Donald Tramp Truth Social ijtimoiy tarmog‘idagi o‘z sahifasida Fox News videolavhasi repostini joyladi. Unda saylovdagi g‘alabasidan so‘ng Tramp qaysi xorijiy mamlakatlar yetakchilari bilan telefonda suhbatlashgani ko‘rsatilgan.
Ro‘yxatda Isroil bosh vaziri Binyamin Netanyahu, Kanada bosh vaziri Jastin Tryudo, Saudiya Arabistoni podshohligi valiahd shahzodasi va bosh vaziri Muhammad bin Salmon, Fransiya prezidenti Emmanuel Makron, Hindiston bosh vaziri Narendra Modi, Janubiy Koreya prezidenti Yun Sok Yol hamda Ukraina prezidenti Vladimir Zelenskiy bor.
Rossiya prezidenti Vladimir Putin bu ro‘yxatda yo‘q. 11-noyabr kuni The Washington Post o‘z manbalariga asoslanib Qo‘shma Shtatlarning saylangan prezidenti va Putin o‘rtasida birinchi telefon suhbati bo‘lib o‘tgani haqida xabar bergandi. Kreml rasmiysi Dmitriy Peskov gazetaning xabarini yolg‘on deya, Tramp va Putin o‘rtasida telefonda muloqot bo‘lib o‘tganini rad qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter