Toshkentda «Neksiya» yuk mashinasi tagiga kirib ketdi
Bugun, 3 oktyabr kuni soat 10:30 larda Yashnobod tumani Ohangaron ko‘chasida yo‘l-transport hodisasi sodir bo‘ldi.
Nexia 1 rusumli avtomashinasi haydovchisi bir yo‘nalishda harakatlanib ketayotgan «Gazel» rusumli yuk mashinasining orqa qismiga urilib avariyaga uchradi.
YTH natijasida Nexia 1 haydovchisi va yo‘lovchisi tan jarohat olgan hamda tez tibbiy yordam xodimlari tomonidan birinchi yordam ko‘rsatilgan. Hozirda ular shifokorlar nazoratida.
Holat yuzasidan Toshkent shahar IIBB YHXB hamda xodimlari tomonidan surishtiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter