Toshkentda yarim tunda bosqinchilik qilgan guruh qo‘lga olindi
Toshkent shahrining Yunusobod tumanida 20-mart kuni jinoyat sodir bo‘ldi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qildi.
Qayd etilishicha, 20-mart kuni soat 03.45larda 1986-yilda tug‘ilgan Sh.I., 1987-yilda tug‘ilgan M.N., 1979-yilda tug‘ilgan I.Sh., 1976-yilda tug‘ilgan K.A. va 2001-yilda tug‘ilgan H.Z.lar jinoiy til biriktirib, Xakimzoda ko‘chasida yashovchi S.M.ning uyiga bosqinchilik maqsadida devor oshish yo‘li orqali bostirib kirishadi. Unga tan jarohati yetkazganlarida, S.M. ularga faol qarshilik ko‘rsatgan va ko‘tarilgan shovqindan hech narsa ololmay, bosqinchilar voqea joyidan yashiringanlar.
Ko‘rilgan choralar natijasida Sh.I., M.N., I.Sh., K.A. va H.Z. qo‘lga olingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter