Ijtimoiy tarmoqlarda Toshkent shahri Chilonzor tumani hududida «Lacetti» rusumli transport vositasi haydovchisi yo‘lning qarama-qarshi tomoniga chiqib harakatlanganligi aks etgan video tarqaldi.

Mazkur holat nazoratga olingani va qoidabuzar jazolangani yuzasidan poytaxt IIBB YHXB rasmiy ma’lumot berdi.

Qayd etilishicha, joriy yilning 24-avgust kuni taxminan soat 22:20 larda 1986-yilda tug‘ilgan J.M. «Lacetti» rusumli davlat raqami 01M 701 CA bo‘lgan transport vositasini tegishli hujjatlarsiz, haydovchilik guvoxnomasiga ega bo‘lmagan holda boshqarib, Chilonzor tumani Bunyodkor shoh ko‘chasida yo‘lning qarama-qarshi tomonida harakatlangan.

Huquqbuzarlik sodir etgan J.M.ga nisbatan MJtKning 128-5-moddasi 2-qismi, 135-modda, 194-modda bilan ma’muriy bayonnoma rasmiylashtirilib, avtomashina vaqtincha saqlash uchun jarima maydoniga joylashtirilgan.

Shuningdek, to‘plangan hujjatlar o‘rnatilgan tartibda ko‘rib chiqish uchun jinoyat ishlari bo‘yicha Chilonzor tumani sudiga taqdim etilgan.