Android qurilmalar uchun Xabar.uz mobil ilovasi. Yuklab olish ×

Toshkentda 17 yoshli yigitga nisbatan jinoyat ishi qo‘zg‘atildi

Toshkentda 17 yoshli yigitga nisbatan jinoyat ishi qo‘zg‘atildi

Foto: Tergov departamenti

Toshkent shahri, Olmazor tumani bo‘yicha IIO FMB huzuridagi Tergov bo‘linmasi tomonidan voyaga yetmagan 17 yoshli Abdulaziz J.ga nisbatan O‘zbekiston Respublikasi Jinoyat kodeksining 277-moddasi 2-qismi «v» bandi (Bezorilik, ya’ni sovuq qurolni namoyish qilib, uni qo‘llab) bilan jinoyat ishi qo‘zg‘atilib, protsessual tartibda ushlangan.

Olib borilgan tergovga qadar tekshiruv harakatlari davomida, 2021 yilning 4 aprel kuni soat 19:00 larda Abdulaziz J. Olmazor tumani Beruniy ko‘chasida joylashgan  jamoat joyi hisoblangan «Mir Cinema» do‘koni oldida bo‘la turib, shu yerda bo‘lgan voyaga yetmagan 17 yoshli Sultonxo‘ja A. bilan hech bir sababsiz janjallashib, yonida bo‘lgan oshxona pichog‘i bilan badanining turli joylariga urib tan jarohat yetkazgan.

TTA-2 kilinik shifoxonasining tibbiy ma’lumotida Sultonxo‘ja A.da «qorin old, ikkala kurak, chap bel sohasi, ikkala son tashqi yuzasi va o‘ng dumba qismida kesilgan» jarohatlari ko‘rsatilgan.

Hozirda ushbu janjalning kelib chiqish sabablari aniqlanmoqda.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring