Xalq deputatlari Toshkent viloyati Kengashi mahalliy aholiga ichimlik suvi va oqova suvini yetkazib berish xizmatini ko‘rsatuvchi korxonalarning 2024-yil 20-fevraldan boshlab amal qiladigan yangi tariflarini tasdiqladi.

Qayd etilishicha, viloyat aholisiga «To‘qberdi» xususiy korxonasi, «Toshkent suv ta’minoti» MChJ, «Chimgan-chorvog‘» MChJ hamda «Musaffo obi hayot» MChJlar ichimlik suvi va oqova suvi yetkazib berish izmatlarini ko‘rsatadi.

Kengash qaroriga ko‘ra, «Toshkent suv ta’minoti» MChJ, «Chimgan-chorvog‘» MChJ, «Musaffo obi hayot» MChJ va «To‘qberdi» xususiy korxonasi mos ravshda quyidagi yangi narxlarda xizmat ko‘rsatishni boshlaydi:

• aholiga ichimlik suvi 1 m3 - 2000 so‘m (1100 so‘m, 1500 so‘m va 500 so‘m);
• budjet tashkilotlariga ichimlik suvi 1 m3 - 9000 so‘m (1300 so‘m, 1700 so‘m, 2000 so‘m, QQSsiz);
• boshqa tashkilotlarga ichimlik suvi 1 m3 - 9000 so‘m (4600 so‘m, 5800, 2000 so‘m, QQSsiz);

Shuningdek:

• aholiga oqova xizmati 1 m3 - 1000 so‘m (300 so‘m, 1000 so‘m, --);
• budjet tashkilotlariga oqova xizmati 1 m3 - 2000 so‘m (400 so‘m, 1 150 so‘m, --, QQSsiz);
• boshqa tashkilotlarga oqova xizmati 1 m3 - 2000 so‘m (3 100 so‘m, 1 900 so‘m, --, QQSsiz) etib belgilandi.