«Tolibon» Afg‘oniston shimoli-sharqida joylashgan Bog‘lon viloyatida mahalliy folklor musiqalar ijrochisini o‘ldirishdi, deb xabar berdi RIA Novosti provinsiyadagi manbasi.

Uning so‘zlariga ko‘ra, «Tolibon» a’zolari folklor qo‘shiqchlar ijrochisi Favada Andarabini Andarab tumanidagi uyidan haydab chiqarishgan va o‘ldirishgan.

Afg‘oniston sobiq ichki ishlar vaziri Masud Andarabi ham qo‘shiqchining o‘limini tasdiqlagan.

«Toliblarning shafqatsizligi Andarabada ham davom etmoqda. Ular vodiy va uning aholisiga shunchaki quvonch keltirgan Favada Andarabi folklor musiqasi ijrochisini shafqatsizlarcha o‘ldirishdi. Bizning vodiy, avlodlarimiz hech qachon ularga bo‘yin egmaydi », - dedi sobiq vazir Twitterda.

Avvalroq Baglan viloyatida qarshilik kuchlari va «Tolibon» o‘rtasida qurolli to‘qnashuvlar sodir bo‘lgan edi. Afg‘oniston sobiq ma’muriyati vakili Bismilloh Xana Muhammadiy bayonotiga ko‘ra, qarshilik kuchlari «Tolibon»dan uchta tumanini qaytarishga muvaffaq bo‘lgan, o‘nlab jangarilar o‘ldirilgan va yaralangan. Biroq, ikki kundan keyin «Tolibon» viloyat ustidan nazoratni qaytarib olganini e’lon qilgan.