E’tiboringizga tojik maqollaridan saralab olingan namunalarni havola etamiz.

* * *

Qo‘llanilmagan bilim — yomg‘irsiz bulut.

 * * *

Uysiz — har joyda begona.

 * * *

Bitta kaltak bilan hammani haydab bo‘lmaydi.

* * *

Shirin so‘z va erkalash bilan filni ham tukidan yetaklab ketishing mumkin.

 * * *

Tashishga hech nimang bo‘lmasa, senga eshak ne kerak.

 * * *

Do‘mbira tovushi uzoqdan ham yoqimli.

 * * *

Oltin balchiqda ham yaltiraydi.

 * * *

Qozon ochiq, mushukning vijdoni qayda qoldi?

 * * *

Ahmoq bilan do‘stlashma.

 * * *

Bog‘ing gullamagani uchun oftobni emas, o‘zingni koyib qo‘y.

 * * *

Quyosh barchaga bir xil nur sochadi.

 * * *

Avval so‘ra, keyin harakat qil.

 * * *

Qo‘rqoq it baland hurar.

 * * *

Gunohdan so‘ng tiz cho‘kishdan ne foyda?

 * * *

Arpa eksang — arpa, bug‘doy eksang — bug‘doy olasan.

 * * *

Bitta arqon qamchi emas, bitta daraxt o‘rmon emas.

 * * *

Kam gapirsa — tushunarsiz, ko‘p gapirsa — bosh aylanar.

 * * *

Dushman qancha aqlli bo‘lsa, shu qadar xavfli.

 * * *

Tutun bormi, demak, nimadir yonayotir.

* * *

Tog‘lar zilziladan yemirilsa, muhabbat va do‘stlik so‘z tufayli barbod bo‘ladi.

* * *

Pul bersang — kamayar, bilim bersang — ko‘payar.

 * * *

Sening yolg‘oningni rost hisoblaydigan do‘st hamma vaqt ham yaxshi bo‘lavermaydi.

Aziza FATHULLAYeVA

 (Ushbu maqollar internet tarmog‘idan olinib,

rus tilidan o‘zbekchaga o‘girilgan)