Toshkent shahar YXHB «body camera»larni sinovdan o‘tkazmoqda
Toshkent shahar Ichki ishlar bosh boshqarmasi yo‘l-harakati xavfsizligi boshqarmasi «body camera», ya’ni, yo‘l-patrul xizmati xodimlari uchun mo‘ljallangan holatni qayd etib boruvchi videokameralarni sinovdan o‘tkazishni boshladi. Bu haqda IIBB xabar bermoqda.
Ushbu videokameralar xodimning kunlik ish faoliyati, haydovchilar bilan o‘zaro muloqotini uzluksiz yozib boradi. Kameralar yagona boshqaruv tizimiga ulangan bo‘lib, markaziy apparat tomonidan boshqariladi. YPX xodimining kamera yozuvini to‘xtatib qo‘ya olmasligi, qayd etilgan tasvirni o‘chira olmasligi tizimda korrupsiyaning oldini olishga, vaziyatlarni haqqoniy o‘rganish va adolatli chora-tadbirlar ko‘rishga yordam beradi.
Ushbu zamonaviy uskuna sinovdan o‘tgandan so‘ng sohada keng foydalanish ko‘zda tutilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter