Surxondaryoda ikki sobiq hokimga nisbatan sud hukmi e’lon qilindi.

Pardayev Rustam Ubodullayevich JKning 205-moddasi 2-qismi «a» bandi, 168-moddasi 4-qismi «a» bandi, 167-moddasi 3-qismi «a» bandi va 209-moddasi 2-qismi «a» bandida nazarda tutilgan jinoyatlarni sodir etganlikda aybli deb topilib, 8,5 yil muddatga ozodlikdan mahrum qilish jazosi tayinlandi.

Ma’lumot uchun, Rustam Pardayev 2020-yil noyabr oyidan 2022-yil yanvar oyiga qadar Denov tumani hokimi lavozimida, 2022-yilning 1-fevral kunidan 2023-yilning yanvar oyiga qadar Qiziriq tumani hokimi lavozimida ishlagan.

Xudoyberganov Baxtiyor Xaitovich JKning 229/4-moddasi 2-qismi «a, b» bandlari, 167-moddasi 2-qismi «a, v, g» bandlari, 209-moddasi 2-qismi «a» bandi, 184/1-moddasi 2-qismidagi jinoyatni qasddan sodir etganlikda aybdor deb topilib, 4 yil ozodlikni cheklash jazosi tayinlandi.

Ma’lumot uchun, Baxtiyor Xudoyberganov 2019-yil 20-sentyabr kunidan 2022-yil 25-yanvar kuniga qadar Sho‘rchi tumani hokimi lavozimida ishlagan.

Eslatib o‘tamiz, avvalroq hokimlar, soliq qo‘mitasi mas’ullari, hokim o‘rinbosari kabi mansabdorlar qo‘lga olingandi.