Bugun, 28-dekabr kuni O‘zbekiston Respublikasi Prezidenti Shavkat Mirziyoyevning Oliy Majlisga Murojaatnomasi bo‘lib o‘tmoqda.

Prezident qishloq hududlarini rivojlantirish masalasiga ham to‘xtaldi.

Qayd etilishicha, hozirda O‘zbekistonda urbanizatsiya darajasi 40 foizga ham yetmaydi. Agar zarur choralar ko‘rilmasa, yaqin yillarda bu ko‘rsatkich yanada pasayishi mumkin. Shu bois mamlakatda urbanizatsiyalash darajasi 2030-yilgacha 60 foizga yetkazish bo‘yicha choralar ko‘rilishi kerakligi ta’kidlandi. Bosh vazir Abdulla Aripovga bu bo‘yicha shaxsan mas’ul bo‘ladi.

«Buni qanday amalga oshiramiz? Buni bosh vazir bilan ko‘p muhokama qilganmiz. Qishloq hududlarini rivojlantirish uchun jamg‘arma tuziladi. Binolar va inshootlar, yer sotuvidan tushadigan pul shu jamg‘armaga tushadi. Hozir tadbirkor o‘zi qurgan inshoot joylashgan yer unga tegishli bo‘lmagani uchun kelajagiga ishonolmaydi. Yerni ham, binoni ham sotamiz. Tadbirkor kelajakka ishonishi kerak», — dedi Prezident.