Saudiya Arabistoni endi UEFA Chempionlar ligasiga ko‘z tikmoqda
Jahon futboli yulduzlarini yig‘ib olayotgan Saudiya Arabistoni endi futbol klublaridan birining Yevropa Chempionlar ligasida maxsus taklifnoma asosida ishtirok etishini xohlamoqda.
Corriere dello Sport xabariga ko‘ra, Saudiya Arabistoni futbol assotsiatsiyasi o‘z klublaridan birining 2024/25 yilgi mavsumda UEFA Chempionlar ligasida ishtirok etishi loyihasini ko‘rib chiqmoqda. Saudiyaliklar Yevropaning eng nufuzli klublar musobaqasi qura tashlash marosimida «maxsus taklifnoma» deb ataladigan bitta o‘rinni qo‘lga kiritishni rejalashtirmoqda.
Bu vazifani amalga oshirishda bir qancha to‘siqlar mavjud. Ulardan biri Yevropaning asosiy futbol tashkiloti — UEFAdan ruxsat olishdir.
Saudiyaliklarning bu qadami dunyoning eng yaxshi klublari ishtirokidagi musobaqalarda arab futboli nufuzi va saviyasini oshirish bilan bog‘liq.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter