Samarqanddagi Bog‘ishamol ko‘chasi «bag‘ri»ga qachon shamol tegadi?
Saytimizga Samarqand viloyatidan shikoyat keldi. Unda Samarqand tumani, Quyi Turkman mahallasidagi Bog‘ishamol ko‘chasi holati haqida gap boradi.
«Ushbu joy boshqa 6 ta ko‘chani asosiy ko‘cha bilan bog‘laydi. Sovet vaqtida qilingan asfalt deyarli qolmagan.
Qishda yomg‘irdan, yozda esa chang-to‘zondan yurib bo‘lmaydi.
Bu mavzu bir necha marotaba ko‘tarildi. Ijobiy javob bo‘lmadi. Hattoki sayyor qabulda ham hal etilmadi, mablag‘ yo‘q emish, ammo yonimizdagi qishloqning ichki ko‘chalar asfalt qilindi.
Nega Bog‘ishamol ko‘chasi mutasaddilar e’tiboridan chetda qolmoqda?» deyiladi murojaatda.
Yo‘llar hanuz infratuzilmamizning og‘riqli nuqtalaridan biri bo‘lib qolmoqda. Tegishli mutasaddilarni Samarqanddagi ushbu muammoga e’tibor qaratishga chaqiramiz.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter