Samarqandda tunda hokimlikdagi majlisga chaqirilgan ayol YTHda vafot etdi
Samarqand viloyati Pastdarg‘om tumanida Nexia mashinasi tunda majlisga chaqirilgan mahalla faoli (ayol)ni urib yubordi. Ayol olgan tan-jarohatlari oqibatida vafot etgan.
Marhuma qarindoshlarining so‘zlariga ko‘ra, o‘sha kuni bemavrid vaqtda uni hokimlik binosiga ish yuzasidan yig‘ilish uchun chaqirishgan.
«Soat 17:00 atrofida 18:00da tadbir bo‘ladi deb, uydan chiqib ketgan edi. Men bu vaqtda ish tugagan bo‘ladiku, degandim. Mahallaning ishi har kuni bo‘ladi, hattoki yakshanba kuni ham ishga chaqirishardi», – deydi turmush o‘rtog‘i.
Ayol o‘sha kuni hatto yaqin qarindoshing to‘yiga ham bormasdan hisobot tayyorlagan va shoshib yo‘lga otlangan. Ammo tungi 23:00lar atrofida ayolni mashina urib yuborgan.
Hozirda holat yuzasidan Pastdarg‘om tumani IIB huzuridagi tergov bo‘limi tomonidan JKning 266-moddasi 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter