Rossiya ikki yilga xalqaro musobaqalardan chetlatildi
Sport arbitraj sudi (CAS) Xalqaro antidoping agentligi (WADA)ning Moskva antidoping laboratoriyasining ma’lumotlar bazasidagi o‘zgarishlar uchun Rossiyani ikki yilga sport musobaqalaridan chetlatish qarorini qo‘llab-quvvatladi.
WADA Rossiyani 4 yilga musobaqalardan chetlatgan, ammo Sport arbitraj sudi jazoni ikki yilga qisqartirdi (2022-yil 16-dekabrgacha qadar). Jazo darhol kuchga kiradi.
Keyingi ikki yil ichida Rossiya sportchilari yirik musobaqalarda (Jahon chempionatlari va Olimpiada) faqat neytral bayroq ostida qatnashadilar.
Taqiq faqat Jahon chempionatlari va Olimpiya o‘yinlariga tegishli. Rossiya Yevro-2020 (2021-yilga qoldirilgan) va Chempionlar Ligasi uchrashuvlarida qatnashishi mumkin bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter