Rasul Kusherbayev va Soliq qo‘mitasi o‘rtasidagi sud sanasi belgilandi
Davlat soliq qo‘mitasi va uning tarkibiy bo‘linmalari xodimlari Birlashgan kasaba uyushmasi Oliy Majlis Qonunchilik palatasi deputati Kusherbayev Rasul Xidraliyevich ustidan Fuqarolik ishlari bo‘yicha Shayxontohur tumanlararo sudiga da’vo arizasi kiritgani xabar qilingandi.
Davlat soliq qo‘mitasi kasaba uyushmasi deputatni Human.Uz saytining «So‘z blogerlarga» ko‘rsatuvida aytgan fikrlari uchun sudga bergandi.
Ma’lum bo‘lishicha, Rasul Kusherbayevga chaqiruv qog‘ozi kelgan. Unda, deputat va Soliq qo‘mitasi kasaba uyushmalari o‘rtasidagi sud jarayoni 12 may kuni soat 11:30 da Shayxontohur tumanlararo sudida bo‘lishi belgilangani qayd etilgan.
Ta’kidlash joizki, Soliq qo‘mitasi kasaba uyushmasi deputatdan gapirgan so‘zi uchun 4,6 mlrd. so‘m miqdorida ma’naviy zarar undirmoqchi. Bunday yirik miqdor qanday hisoblanganiga izoh berilmagandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter