Qozog‘iston bilan chegaradagi nazorat-o‘tkazish punkti ikki kun ishlamaydi
Bugun, 6 oktyabr kuni soat 09:00 dan 7 oktyabr soat 09:00 ga qadar «Qozig‘urt» (Qozog‘iston) va unga tutash «S.Najimov» (O‘zbekiston) nazorat-o‘tkazish punkti fuqarolar va transport vositalarining o‘tishi uchun yopiladi.
Ta’kidlanishicha, bunga «O‘ztransgaz» aksiyadorlik jamiyati tomonidan har ikki davlatning nazorat-o‘tkazish punktlari o‘rtasidan o‘tuvchi gaz quvurlarining gidravlik sinovidan o‘tkazilishi sabab bo‘ladi.
Qozog‘iston-O‘zbekiston chegarasidagi boshqa nazorat-o‘tkazish punktlari odatdagidek ishlashda davom etadi.
«Chegaradan o‘tmoqchi bo‘lgan barchadan joriy etilgan cheklovlarni hisobga olgan holda o‘z yo‘nalishini oldindan rejalashtirishlarini so‘raymiz», deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter