Qoraqalpog‘istonda universal «zapravka»da yong‘in sodir bo‘ldi
Joriy yilning 2-iyun kuni taxminan soat 11:37da Qoraqalpog‘iston Respublikasi, Beruniy tumani, Beruniy ko‘chasida joylashgan «Ikrom Aziz» MChJga qarashli universal (propan-metan-solyarka) yoqilg‘i quyish shohobchasida yong‘in sodir bo‘lgan. Bu haqda FVV xabar berdi.
Birlamchi ma’lumotlarga ko‘ra, yong‘in natijasida yer ustida joylashgan 25 tonnalik 2 ta sig‘im va 2 ta «ZIL-130» yoqilg‘i tashish avtomashinalari yongan. Bundan tashqari, ushbu sig‘imlar yonida 10 tonnalik 3 ta bo‘sh, taxminan 30-50 tonnalik 2 ta sig‘im joylashgan.
Mazkur holat yuzasidang voqea joyiga Qoraqalpog‘iston Respublikasi Favqulodda vaziyatlar boshqarmasining 6 ta yong‘in-qutqaruv guruhi yetib borgan.
Hozircha kelib chiqqan yong‘inning sababi yoqilg‘ini quyishda yong‘in xavfsizlik qoidalariga rioya etmaslik deb taxmin qilinmoqda.
Jabrlangan va halok bo‘lgan fuqarolar to‘g‘risida xabar kelib tushmagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter