O‘zbekiston Respublikasi axborot texnologiyalari va kommunikatsiyalarini rivojlantirish vazirligi tashabbusi bilan o‘tkazilayotgan fizika va matematika fanlaridan Muhammad al-Xorazmiy nomidagi respublika olimpiadasining 1-bosqichi o‘z nihoyasiga yetdi.

Olimpiadaning birinchi bosqichida ro‘yxatdan o‘tganlar soni 4755 nafarni tashkil etdi.

Ro‘yxatdan o‘tganlar soni viloyatlar kesimida quyidagicha ko‘rinish oldi:

• Xorazm viloyati — 1093;
• Farg‘ona viloyati — 907;
• Navoiy viloyati — 397;
• Qoraqalpog‘iston Respublikasi — 372;
• Toshkent viloyati — 299;
• Toshkent shahri — 289;
• Namangan viloyati — 281;
• Surxondaryo viloyati — 260;
• Qashqadaryo viloyati — 248;
• Buxoro viloyati — 240;
• Samarqand viloyati — 142;
• Sirdaryo viloyati — 198;
• Andijon viloyati — 86;
• Jizzax viloyati — 43 nafar.

Ulardan 4000 nafardan ziyodrog‘i onlayn testda ishtirok etib, savollarga javob berdilar.

Birinchi bosqichda 80 va undan yuqori ball to‘plagan ishtirokchilar soni 585 nafarga yetdi, ular 1-bosqich g‘olibi deb e’lon qilindi va olimpiadaning 2-bosqichida ishtirok etish huquqiga ega bo‘ldilar.

Eslatib o‘tamiz, olimpiadaning ikkinchi (mintaqaviy) bosqichi — 2018-yil 10-fevral kuni Toshkent axborot texnologiyalari universiteti va uning hududlardagi filiallarida o‘tkaziladi.

Yakuniy bosqich esa 2018-yilning 22—25-fevral kunlari Toshkent shahrida Toshkent axborot texnologiyalari universitetida o‘tkaziladi. Ushbu bosqichda ishtirokchilar fizika va matematika fanlaridan 10 tadan amaliy masalalarni yozma topshiradilar.