Kecha, 11-oktabr kuni Sankt-Peterburgda Rossiya prezidenti Vladimir Putin va Birlashgan Arab Amirliklari rahbari Muhammad ibn Zoid Ol-Nahayon o‘rtasida uchrashuvi bo‘lib o‘tdi. Bu haqda TASS xabar qildi.

«Dunyodagi bugungi munosabatlarning murakkabligiga qaramay, Rossiya va BAA o‘rtasidagi munosabatlar mintaqada va, aytish mumkinki, butun dunyoda barqarorlikning muhim omili hisoblanadi», – deydi Putin.

U BAA prezidentini ko‘rganidan juda xursand ekanligini qo‘shimcha qildi.

«Diplomatik munosabatlarimiz o‘rnatilgan 50 yil davomida aloqalarimiz faqat yuqoriga qarab izchil rivojlandi», — dedi Rossiya prezidenti.

Rossiya Federatsiyasi va BAA o‘rtasidagi ikki tomonlama munosabatlar haqida gapirar ekan, u «juda muvaffaqiyatli rivojlanayotgani»ga e’tibor qaratdi. «O‘tgan yili tovar ayirboshlash hajmining o‘sishi (Ukrainadagi inqirozgacha) 65 foizni tashkil etgan bo‘lsa, bu yil barcha qiyinchiliklarga qaramay, o‘sish davom etmoqda. O‘sish o‘tgan yilgidek katta bo‘lmasada, lekin shunga qaramay 17 foiz», – deya xulosa qildi Putin.