Ember tahliliy markazining xabar berishicha, o‘tgan yili Yevropa Ittifoqi davlatlari Rossiya gazi importini 2023-yilga nisbatan 18 foizga oshirgan. Italiya, Fransiya va Chexiya esa Rossiyadan eng ko‘p yoqilg‘i sotib olgan. 

Hujjatda aytilishicha, suyultirilgan gaz yetkazib berish ham ko‘paygan. 

Markaz ma’lumotlariga ko‘ra, o‘tgan yili Yevropa Ittifoqi Rossiyadan 21,9 milliard yevroga yoqilg‘i sotib olgan. Bu Ukrainaga Yevropa Ittifoqi tomonidan berilgan moliyaviy yordam miqdoridan bir necha milliard ko‘p, bu mamlakatlar Ukrainaga 18,7 milliard yevro sarflagan. 

Iqtisodiy kuzatuvchi Aleksey Kalmikov tushuntirganidek, 2021-yilda Rossiya gazining Yevropa importidagi ulushi 45 foizni tashkil etdi. 2022-yilda u 24 foizga, 2023-yilda esa 15 foizga kamayadi. Shu bilan birga, 2025-yil boshidan beri Ukraina Rossiya gazining Yevropaga tranzitini to‘xtatdi. 

Hozirda Yevropa Ittifoqi Rossiyadan qazib olinadigan uglevodorodlar importini bosqichma-bosqich to‘xtatish strategiyasini ishlab chiqmoqda. Strategiya kelgusi haftalarda taqdim etilishi kutilmoqda.