24-26-fevral kunlari A-373 «Toshkent – O‘sh» avtomobil yo‘lining Qamchiq dovonidan o‘tgan qismida qor yog‘ishi, vaqti-vaqti bilan kuchli yog‘ingarchilik, tuman tushishi kuzatilishi, ko‘rinuvchanlik 50 metrgacha pasayishi hamda shamol tezligi 15-20 metr/sekundgacha kuchayishi, shuningdek, yo‘llarda yaxmalak va qor uyumlari yuzaga kelishi mumkin.

Bu haqda «O‘zgidromet» xabar berdi. 

Bundan tashqari, 21-28-fevral kunlari kutilayotgan yog‘ingarchilik hamda havo haroratining sezilarli o‘zgarishlari sababli respublikaning tog‘li hududlarida qor ko‘chish xavfi mavjud. Xususan:

Qashqadaryo viloyati: Kitob va Shahrisabz tumanlarida;
Surxondaryo viloyati: Sariosiyo va Boysun tumanlarida;
Samarqand viloyati: Samarqand va Urgut tumanlarida;
Jizzax viloyati: Zomin va Baxmal tumanlarida;
Toshkent viloyati: Parkent, Ohangaron, Bo‘stonliq tumanlarida va Chotqol tizmasining Chimyon tog‘larida;
Namangan viloyati: Pop tumanida;
Farg‘ona viloyati: So‘x va Farg‘ona tumanlarida qor ko‘chish xavfi elon qilindi.

Tog‘li xududlarda istiqomat qiluvchi fuqarolar, dam oluvchilar hamda tog‘li xududlarda harakatlanuvchi haydovchilardan ehtiyotkorlik choralarini ko‘rish so‘ralgan.