O‘zbekistonga yana bir AQSh delegatsiyasi kelyapti
26-28 may kunlari Amerika Qo‘shma Shtatlarining Afg‘oniston bo‘yicha maxsus vakili Tomas Vest boshchiligidagi delegatsiya tashrif bilan O‘zbekistonda bo‘ladi.
AQSh delegatsiyasi O‘zbekiston hukumati vakillari, jumladan, tashqi ishlar vaziri v.b. Vladimir Norov va O‘zbekiston prezidentining Afg‘oniston bo‘yicha maxsus vakili Ismatulla Irgashev bilan muzokaralar o‘tkazadi.
Uchrashuvlarda Afg‘onistondagi bugungi vaziyat, shuningdek, ushbu mamlakatga gumanitar yordam ko‘rsatish masalalari yuzasidan fikr almashish ko‘zda tutilgan.
Eslatib o‘tamiz, avvalroq AQSh davlat kotibining Janubiy va Markaziy Osiyo ishlari bo‘yicha yordamchisi Donald Lu boshchiligidagi delegatsiya ham kelib ketgandi. Bu tashrif Moskvaga xush kelmagandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter