O‘zbekiston va Qirg‘izistonni bog‘lovchi biryo‘la ikkita tunnel topildi
Joriy yilning 3 va 9-fevral kunlari O‘zbekiston Davlat xavfsizlik xizmati va Ichki ishlar vazirligi tomonidan tezkor tadbirlar olib borilgan.
Unda ma’lum bo‘lishicha, Qirg‘iziston Respublikasi, O‘sh viloyati, Qora-Suu tumani hududidan O‘zbekiston Respublikasi Davlat chegarasi orqali Andijon viloyati Qo‘rg‘ontepa tumani hududiga olib kiruvchi, har birining eni 60 sm, balandligi 1,5 metr, uzunligi taxminan 150-200 metrli ikkita yer osti yo‘llari mavjudligi aniqlandi.
Hozirgi vaqtda, ushbu holatlar yuzasidan Jinoyat Kodeksining 223-moddasi bilan qo‘zg‘atilgan jinoyat ishi doirasida surishtiruv ishlari olib borilmoqda.
Eslatib o‘tamiz, o‘tgan yili ikki mamlakatni bog‘laydigan uchta noqonuniy tunnel fosh qilingandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter