Osiyo kubogi U23 saralashi: O‘zbekiston g‘alaba bilan boshladi
Timur Kapadze murabbiyligidagi O‘zbekiston U-23 terma jamoasi 2024-yili Qatarda bo‘lib o‘tadigan Osiyo kubogi saralashidagi yurishini muvaffaqiyatli boshladi.
Dastlabki turda Afg‘oniston olimpiya terma jamoasiga qarshi to‘p surgan o‘zbekistonlik futbolchilar raqiblardan 8:1 hisobda ustun kelgan.
90+4 daqiqa davom etgan uchrashuvda gollar – Jasurbek Jaloliddinov (12 va 54-daqiqalar), Alibek Davronov (36-daqiqa), Husayn Norchayev (47, 53 va 87-daqiqalar), Alisher Odilov (87-daqiqa), Muhammadqodir Hamroliyev (90+1-daqiqa) va Umid Musavi (42-daqiqa, Afg‘oniston)lar hisobiga yozilgan.
Shuningdek, O‘zbekiston bilan bir guruhda bo‘lgan Eron-Gongkong uchrashuvi ham yakunlandi. Uchrashuv 3:0 hisobida eronliklar foydasiga hal bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter