Qashqadaryo viloyatida joylashgan «Hisor» davlat qo‘riqxonasi O‘zbekistonning eng go‘zal va muhim tabiat go‘shalaridan sanaladi. 

Ekologiya, atrof-muhitni muhitni muhofaza qilish vazirligi huzuridagi Muhofaza etiladigan tabiiy hududlar departamenti davlat muassasasi tashabbusi bilan sohadagi mas’ullar va OAV ishtirokida ushbu qo‘riqxonaga safar uyushtirildi. 

Dastlab Shahrisabz shahrida bo‘lib o‘tgan seminar-treningda qo‘riqxona bo‘yicha ma’lumotlar taqdim etildi. 

«Hisor» davlat qo‘riqxonasi 1983-yilda tashkil etilgan. Umumiy maydoni qariyb 81 ming gektarni tashkil etadi.

O‘zbekistonning janubiy-sharqiy qismida, Qashqadaryo viloyatining Shaxrisabz, Yakkabog‘ va Qamashi tumanlari hududida, Hisor tog‘ tizmasining g‘arbiy yonbag‘irlarida, dengiz satxidan 1750 m dan 4366 m gacha balandlikda joylashgan.

Qo‘riqxona janubiy-sharqda Surxondaryo viloyati, sharqda Tojikiston Respublikasi bilan chegaradosh.

2000 gektar ekoturizm uchun ajratilgan qo‘riqlanma zona hisoblanadi. Qo‘riqxona 4 ta bo‘limga bulingan:

- G‘elon bo‘limi yer maydoni - 18838,1 ga.
- Miraki bo‘limi, yer maydoni - 11821,0 ga.
- Tanxozdaryo bo‘limi yer maydoni - 20233,0 ga.
- Qizilsuv bo‘limii yer maydoni - 30094,0 ga.

Tadbir davomida ishtirokchilar qo‘riqxona hududidagi Suvtushar sharsharasi va uning atrofida amalga oshirilgan ishlar bilan ham tanishdilar. Ushbu sharshara negizida 1,2 mlrd. so‘m mablag‘ evaziga ekoturizm maskani barpo etilgan.