Nigeriyada 100 dan ortiq maktab o‘quvchilari o‘g‘irlab ketildi
Dushanba kuni Nigeriyaning Kaduna shtatida bezorilar internat maktabining 100 dan ortiq o‘quvchisini o‘g‘irlab ketishdi, deb xabar berdi mahalliy Invicta radiostansiyasi.
Avvalroq Nigeriya shimolidagi Kaduna shtatida noma’lum shaxslar o‘rta maktabga bostirib kirib, o‘nlab o‘quvchilarni o‘g‘irlab ketishgani haqida xabarlar tarqaldi.
Radioning xabar berishicha, 106 nafar maktab o‘quvchisi qurollangan noma’lum shaxslar tomonidan o‘g‘irlangan. Maktab direktori o‘rinbosarining so‘zlariga ko‘ra, ular mahalliy vaqt bilan soat 2:00 (Toshkent vaqti bilan 6:00)da muassasaga bostirib kirib, o‘quvchilarni o‘g‘irlab ketishgan. Ta’kidlanishicha, 24 nafar maktab o‘quvchisi qochishga muvaffaq bo‘lgan.
Shu bilan birga, Frans Press agentligi o‘g‘irlangan 140 nafar o‘quvchi haqida xabar berdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter