Niagara sharsharasi O‘zbekiston bayrog‘i ranglarida yoritiladi
AQSh va Kanadaning asosiy diqqatga sazovor joyi, dunyoga mashhur Niagara sharsharasi 1 sentyabr kuni O‘zbekiston Mustaqilligining 30 yilligi sharafiga bayrog‘imiz ranglarida yoritiladi. Bu haqda AQShdagi elchixonamiz ma’lum qilgan.
Bu noyob tadbirni tashkil etish bo‘yicha kelishuvga 27 avgust kuni AQShdagi diplomatik missiyamiz (Kanadada ham akkreditatsiyadan o‘tgan) Niagara sharsharasi ma’muriyatining rahbariyati bilan erishgan.
Elchixonaning ma’lum qilishicha, bayrog‘imiz ranglaridagi G‘arbiy yarim shardagi eng kuchli sharsharani 1 sentyabr kuni mahalliy vaqt bilan soat 22:30 da (Toshkent vaqti bilan 2 sentyabr soat 7:30da) jonli efirda havola orqali tomosha qilish mumkin.
AQSh va Kanadada yashovchi vatandoshlarimiz ushbu tadbirni saytdagi anketani to‘ldirib, to‘g‘ridan-to‘g‘ri tomosha qilishlari mumkin bo‘ladi.
Niagara sharsharasining O‘zbekiston bayrog‘i ranglari bilan yoritilishi 15 daqiqa davom etadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter