Shirin bulg‘ori yoki garmdori odatda qizil, sariq yoki yashil rangda bo‘ladi. Biroq tabiatda qo‘ng‘ir va binafsha ranglilari ham uchraydi. Bulg‘orilarning rang-barangligi nimani anglatadi?

Bulg‘ori texnik va biologik yo‘l bilan pishadi. Birinchi holatda — meva yetarlicha yetilmaydi, lekin iste’molga yaroqli bo‘ladi. Mazkur bosqichda u yashil, och gunafsha va to‘q binafsha rangda bo‘lishi mumkin. To‘liq pishganda mevaning bu navlari qizil tusga kiradi — bunday bulg‘ori biologik pishgan sanaladi. Oxirida u shokolad-qo‘ng‘ir rangga kiradi.

Bulg‘ori rangi u yoki bu pigment borligiga bevosita bog‘liq. Mazkur mahsulotni likopin qizil, beta-karotin sariq, xlorofill yashil, antotsianlar binafsha rangga bo‘yaydi. Diqqatga molik jihati shundaki, tabiiy pigmentlar bulg‘ori hatto uzoq muddat saqlanganda ham parchalanmaydi, aynan ularning ko‘p miqdorda bo‘lishi mahsulotni foydali qiladi. Tarkibida C vitamini ko‘pligi bo‘yicha bulg‘ori limon va qora smorodinadan, A vitamini bo‘yicha esa sabzidan qolishmaydi. Bundan tashqari, bulg‘ori tarkibida magniy, yod, rux, kalsiy, kaliy, fosfor, temir hamda odam salomatligi uchun boshqa foydali elementlar mavjud.