Navoiyda yangi ishga tushirilgan ko‘prik shahar hamda sanoat hududini bog‘ladi
Kuniga 7 mingga yaqin yengil va yuk tashuvchi avtomashinalar qatnovi ko‘tilayotgan yangi ko‘prik Navoiy shahri hamda sanoat hududini bog‘lashi bilan ham muhimdir.
«Xabar.uz» muxbirining xabar berishicha, ko‘prik 6 oy davomida, qariyb 9 milliard so‘mlik mablag‘ evaziga, viloyat avtomobil yo‘llari hududiy bosh boshqarmasi qoshidagi ko‘prik qurilishi korxonasi bunyodkorlari tomonidan qurib bitkazilgan.
Yangi ko‘prikning qo‘layligi shundaki, endi Navoiy shahridan sanoat hududi — «Qizilqumsement» AJ, «Elektrokimyozavodi» AJ qo‘shma korxonasi tomon qatnaydigan avtotransport vositalarining bosib o‘tadigan yo‘li 8 kilometrga qisqardi.
Ta’kidlash joizki, yangi ko‘prik barpo etilishidan avval bu yerda eski ko‘prik mavjud bo‘lgan. Ammo o‘tgan asrning 60-yillarida barpo etilgan ko‘prik foydalanishga yaroqsiz holga kelib qolgan edi. Ko‘prik yangilanganidan so‘ng uning balandligi avvalgisidan ancha yuksalib, 7 metrga, uzunligi 72 metrga yetdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter