Mukofot miqdori oshirildi: OChLni yutgan klubga 4 million AQSh dollari beriladi
Yangi mavsumdan boshlab Osiyo Chempionlar ligasi va OFK Kubogi musobaqasi g‘oliblari uchun beriladigan mukofot pullari oshirildi. Bu haqda O‘zbekiston professional futbol ligasi rasmiy sayti xabar bermoqda.
Ma’lum bo‘lishicha, OFK Prezidenti Shayx Salmon bin Ibrohim al-Xalifa tashkilotga a’zo barcha futbol federatsiyalariga ana shu mazmunda maktub yuborgan. Ya’ni, 2018-yilda Osiyo Chempionlar ligasida g‘alaba qozongan klub 4 million AQSh dollari miqdorida mukofot puli oladi. OFK Kubogi g‘olibiga esa 1,5 million AQSh dollari taqdim qilinadi.
Shuningdek, Shayx Salmon bin Ibrohim al-Xalifa tomonidan yuborilgan maktubda OFK tomonidan o‘tkazilayotgan musobaqalarda ishtirok etayotgan jamoalarga taqdim qilinadigan mukofot pullari homiylar va hamkorlar tomonidan ajratilayotgan mablag‘lar hisobiga muntazam ravishda oshirib borilishi ko‘zda tutilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter